பொங்கல் நல்வாழ்த்துக்கள்.

எரிந்து அடங்கியது தீ...
மார்கழியின் குளிர் விலகி..
தை வரும் பாதை தெரிய..
பழமை நெருப்பில் மாய..
வந்தது போகி....


புதுச்சுண்ணாம்பு சுவர்கள்..
புத்தாடை சிறுவர்கள்..
தோகை எடை தாங்காமல்
சரிந்த கரும்பு...
முற்றத்தில் வைக்கப்பட்ட
மூன்று கல் அடுப்பு...
பொங்கியது பொங்கல் பானை..
பொங்கலோ பொங்கல்...


வண்ணம் தீட்டப் பட்ட கொம்புகள்..
அதில் கட்டப்பட்ட வண்ண பலூன்..
தனது கொம்பின் வண்ணத்தை
அறியுமோ அந்தக் காளை..
மாட்டுப் பொங்கல்.

பெரியவர்கள் காலில்
விழுந்து எழப்புறப்பட்ட படையொன்று..
எத்தனை முறை விழுகிறோமோ
அத்தனை முறையும்
வரும்படியுடன் எழுந்தவாறு.....
காணும் பொங்கல்....

பொங்கல் நல்வாழ்த்துக்கள்.