இதயம் கனிந்த புத்தாண்டு வாழ்த்துக்கள்

கடந்து செல்கிறது ஓர் ஆண்டு
நடந்தனம் நாம் அதன் வழியில்..

மற்றுமோர் ஆண்டு, வரவேற்போம் மகிழ்ச்சியோடு
சுற்றமும் நட்பும் சிறக்கட்டும், வளங்கள் பெருகட்டும்.

காற்றையும் காலத்தையும் கட்டி வைப்பாரில்லை.
சுற்றும் உலகில் மாற்றமின்றி மற்றவை நிலையில்லை.

உள்ளிருக்கும் அழுக்காறுகளை உதறித் தள்ளுவோம்.
உலகமே நமது சொந்தம் என உவகை கொள்வோம்.

இருகரம் நீட்டி வருமாண்டை வரவேற்போம்..
இதயங்கள் இணையட்டும், இவ்வாண்டு சிறக்கட்டும்

இணைப்பதால்தான் இணையம் என்று பெயரிட்டோம்
இனிய தமிழ் இதயங்கள் கருத்துபரிமாறி கலக்கட்டும்.

சாற்றினேன் சாத்வீகக் கவிதைப் பாமாலை
ஏற்பீர் எமது வாழ்த்துக்களை இந்நாளில்.

இந்த ஆண்டு இனிய ஆண்டாய் சிறக்க
இல்லங்கள் யாவும் மகிழ்ச்சி பொங்க
இணையத் தமிழால் இணைந்த யாவர்க்கும்
இதயம் கனிந்த புத்தாண்டு வாழ்த்துக்கள்.

-சாத்வீகன்.